• Les rues d'Tournai

    Air : On ne voit pas le temps passer (Jean Ferrat)

      

                            In marchant dins les rus dno ville

                            Mêm quançqui pleut ou qui fait gris,

                            Tout à la douch, dein pas tranquille

                            Comme ldocteur i tla prescrit,

                            Chest comm si tlireos no nHistoire

                            Dins ein grand lif toudis ouvert,

                            Pasque nos pierrs wartent lmémoire

                            Des gins qui-eont chi ri et souffert !

      

                            Et dSaint-Jean à lru Poisseonnière,

                            De lPlach de Lille à lru Piquet,

                            On peut passer des heures intières

                            À treondler dins les rus dTournai !

      

                            Dins lquartier qutas passé tjeonesse

                            Torconnaîtras çqui reste acor

                            Des rimparts dùsque no Prinçresse

                            A bravé Farnèsse et consorts ;

                            Et queont Saint-Brice, si te tapproches

                            Du ch’vet du chœur, te pourras vir

                            Lfill dichi qui-a moutré aux boches

                            Qumint çquein feimm belche ell sait morir !

     

                            Car de lMadleine au Quai Tall’-Pierres,

                            DSaint-Nicolas à lru Gallait,

                            On peut passer des s'maines intières

                            À ssouvnir dins les rus dTournai !

     

                            Si traviss bin et qutas de lsanche

                            Te voiras ptête à schevalet

                            De le Pasture inter deux anches

                            Peint Marie et sdivin Mouflet ;

                            Et si du côté dSaint-Magrite

                            Tareos lbeonne idé dlusoter,

                            Ntéteonn pos si tvieux cœur palpite

                            Pasque tintinds canter Noté !

      

                            Car des boulvards à lru dEnntières,

                            Du Meont dPiété à lru Massnet,

                            On peut passer ein vie intière

                            À rêver dins les rus dTournai !

     

                                                                        Août 2010